Para rematar coas saídas para coñecer mellor lugares da nosa cidade, o pasado día 16 de xuño visitamos o Museo de Belas Artes para coñecer mellor o traballo realizado por Pablo Picasso, artista moi ligado a A Coruña.
Para rematar o curso, e tendo en conta o PDI da biblioteca este ano "Unha ollada darredor", nas clases de Arts and Crafts e de Ciencias Naturais, realizamos uns pequenos proxectos/maquetas sobre distintos monumentos da nosa cidade: Torre de Hércules, estatua de María Pita, Concello de A Coruña e Castelo de San Antón. Para realizalos trouxemos materias de reciclaxe das nosas casas e...aquí tedes fotos do proceso e do resultado final.
O pasado xoves día 8 de xuño tivemos a nosa saída/excursión de fin de curso a Marcelle Natureza. Pasámolo xenial! Vimos moitos animais: suricatos, cebras, linces, monos, avestruces e un longo etcétera. Por aquí vos deixamos algunhas fotiños!